لک سرو

 

لک سرو

استاد عزیز بیرانوند

---

سؤزی چَـمن‌ین ســـؤل‌ین چنارین

ڸـیمو ســـر تَـڸ‌یـڸ شِــفا بیمارین

اِہ چـــوار گوشہ دل هوا وِهــــارین

اِہ آینہ شـــؤق هــــر صًـو دیارین

هر چئ تو بوشین مِہ هر موشم خۈ

ســـؤزه بالابرز عئدت مـــــآرک بۈ

 

تًــو ذؤق و هـــوس عـــاشق ژارین

شـــؤقم اِہ تًـــــونَہ خویی اشعارین

اِہ دیمہ زار دل شــــــــؤقَہ مکارین

بـــاز صیادین جــــــــویای شکارین

دلـــــــــم هــا اِہ قَپ پنجہ‌تَہ مچۈ

ســــؤزه بالابرز عئدت مـــــآرک بۈ

 

زمسون وی‌یَــــرد سرمـــــا آرِمی

سـؤزه سؤز کردی گُل سًہرَه دَمی

خَـــم‌ئڸ جـــــا وژون داہَ بئ‌خمی

سـئڸ وه صحرا کَہ وه خاطـر جَمی

بـۈ بنیش اَر تَـــک بنؤشہ ڸؤ جۈ

ســـــؤزه بالابرز عئدت مآرک بۈ

 

سر سؤز و بورچین اَر گُری آؤآن

اَرا ڸـــف‌گیری بــــینہ مــــڸاؤآن

پینہ سؤز کردی، اِہ سـر سرآؤآن

مِہ ویر وَه صحرا ڸئڸ ویر وه باؤآن

اَسِــر اِہ چیمم کِنیا چـــــوی رۈ

ســـــؤزه بالابرز عئدت مآرک بۈ

 

وا میوه‌رســن اصـــــل سًهئڸ‌ین

وَه شکل و شئوه اِہ گونـا ڸئڸ‌ین

مجنون بئ مــال اِہ کًـو نمئ‌ڸین

مِـــہ سئڸم پاکـہ تًــو اَرا سئڸ‌ین

چــرخی چیم مَس مر چیم آهۈ

ســــؤزه بالابرز عئدت مــآرک بۈ

 

گڸ‌گڸ نـــازارئڸ اََر سؤزی چمن

جَرخہ جَمَہ مئن وَه هی‌رَن هی‌رَن

بافہ گئس وَه کــۈل اَِہ طؤر کَمَن

شـوخی هُـم‌کرئڸ، قیقہ خَنہ خَن

رنگ تًــو چـوی گُل مِہ وینہ لیمۈ

ســـــؤزه بالابـــرز عئدت مـآرک بۈ

 

هر چَن مِرخ شؤق، اِہ دل بار کردی

پیری آؤ ری جــــــوونی بـــــــردی

بارئ رنـــج و خَــــم کــاری آؤردی

آســــاره اقبال یَہ چن سالہ مردی

بـئ‌ثــــــــــــمر مــــــنـی دار آرزۈ

ســـؤزه بالابرز عئدت مـــــآرک بۈ

 

اِہ جــــوم پیری مَـــس شــرآؤم

روژ آ روژ اِہ طـــــؤر یَخَـہ مـتاؤم

قِــہ دو ڸـــۈ کـِــریا بــــار عـذاؤم

دل سۈزی بِکــہ بــۈ بِچ اِہ گاؤه‌م

تــا بِچــم ؤ جـلۈس جوونی اِه نۈ

ســـؤزه بالابــرز عئدت مآرک بۈ