چند دوبیتی لکی/ عزیز بیرانوند
دو چِیمِت آگر زرتُشته مارِن؛ وَ دامون ئو و ناز ئو مِشته مارن؛ ئرا هر چی خریداره خُمارن؛ و قصد گیونِ مِ، ئیرشته مارن! * دلم ئی آشنایی سِیره، دی نو! هَنی هم حرف دو ئو پیره، دی نو! من و عمری گِ ئی عشقت فنا بی؛ ئرا دیدار آخر دیره، دینو! * مِ […]
دو چِیمِت آگر زرتُشته مارِن؛
وَ دامون ئو و ناز ئو مِشته مارن؛
ئرا هر چی خریداره خُمارن؛
و قصد گیونِ مِ، ئیرشته مارن!
*
دلم ئی آشنایی سِیره، دی نو!
هَنی هم حرف دو ئو پیره، دی نو!
من و عمری گِ ئی عشقت فنا بی؛
ئرا دیدار آخر دیره، دینو!
*
مِ ئی دسِ خَمِت کی گیونه مورِم!
دلم ئی کنج ئی زندونه مورِم.
مری الهامه ماو روژیل وارون؛
گهها ترم وِژِم وَ شونه مورِم.
*
قمه وَ قصد آزارام نکیشن!
ئرا بی جِرمی، ئر دارِم نکیشن!
گرونه بارِ دینِ خوینِ ناحق؛
مَتِرسم، صد شتر بارم نکیشن.
منبع: سیمره
ارسال دیدگاه
مجموع دیدگاهها : 0در انتظار بررسی : 0انتشار یافته : ۰