چند دوبیتی لکی/ مرتضا خدایگان

چند دوبیتی لکی/ مرتضا خدایگان

 
۱
وِژِم هَر هونَه بیچارَه نِمَه کَم
یَخَه‌م وِل دَه مِ ای کارَه نِمَه کم
مِ إ چَمِت فِرَه گَزیامَه زُوی‌تِر
دَس إ نوم ای کُنا مارَه نِمَه کَم
۲
ای چَمَل تَه اِ کو آوردیه یَه؟
دل ای مَردِمتَه تا کو بردیه یه؟
اَرا هَر سِیلی صد گیُونَه مَسینی
لوُی چَن لو حِساوِت کِردیَه یَه؟
۳
وَ یَک بوشی و دو بوشی مَرقصِم
دوسُو بوشی، سِه سو بوشی مرقصم
دو دسماله، چَپی، اِ لا کَتی، راس
وَ هَر سازی که تو بوشی مرقصم
۴
خِرَه ماری زمین اِ دورِ چَمِت
هُوَرِت ناسِه سیاتی قُورِ چمت
خدا دی تا قیامت دَس نِموری
بسازی چی تِرِک اِ طورِ چَمِت
۵
نیاتَه داخی اَر دِل آ نِمَه چو
خَمِت بارِ کَجَه اِ جا نمه چو
مِن و دِل هَر دِکی لیوَه تونیمِن
ولی آومونَه یِه جورا نَمِه چو