غزل لکی/ استاد کرم دوستی
أر محـالت بیقرارم، لیز خواوم گُم بیه هُمـدنگِ آرمکَـرِ حـالِ خـراوم گُـم بیه جرخه نازارل جَم و چَمم مِنی لیله مکی سَرمَسِ داوِل چوی سروِ بینقاوم گم بیه کوگِم ای قفس پَری، دو بالِ بازِم اشکیا نـاز فـروردین و سـازِ کُـلکُلاوم گـم بیه دشت و راخیز، تک و تنیا، ژیرِ پا پر آوِله یکه […]
أر محـالت بیقرارم، لیز خواوم گُم بیه
هُمـدنگِ آرمکَـرِ حـالِ خـراوم گُـم بیه
جرخه نازارل جَم و چَمم مِنی لیله مکی
سَرمَسِ داوِل چوی سروِ بینقاوم گم بیه
کوگِم ای قفس پَری، دو بالِ بازِم اشکیا
نـاز فـروردین و سـازِ کُـلکُلاوم گـم بیه
دشت و راخیز، تک و تنیا، ژیرِ پا پر آوِله
یکه دارِ ساخسِ بَرزِ سِراوم گم بیه
سیچله زمسون و تژگا کور و هُرجولِ کَپَر
سرد و کِرکپ، خیفهدل، شال و کلاوم گم بیه
نِفکه فرهادم و شیرین گیرِ فرهادکش هتی
ساقِ شودیزم لنگ و نالِ هِلاوم گم بیه
نوم و نیشونم نَجورِن ئهژ کتاوِ سیمره
ولگِ سوزِ هرمز و گاماسیاوم گم بیه
سیرکه ساقی تَر و هشکِ ویشه گیونم سِزیا
لنگ و لالم چوی «کرم» جُمِ شراوم گم بیه
ارسال دیدگاه
مجموع دیدگاهها : 0در انتظار بررسی : 0انتشار یافته : ۰